ਪੀਸੀਐਸ ਸੇਵਾਮੁਕਤ ਐਸੋਸੀਏਸ਼ਨ ਦੀ ਚੋਣ, ਬਲਬੀਰ ਸਿੰਘ ਢੋਲ ਨੂੰ ਪ੍ਰਧਾਨ ਚੁਣਿਆ

ਪੀਸੀਐਸ ਸੇਵਾਮੁਕਤ ਐਸੋਸੀਏਸ਼ਨ ਦੀ ਚੋਣ, ਬਲਬੀਰ ਸਿੰਘ ਢੋਲ ਨੂੰ ਪ੍ਰਧਾਨ ਚੁਣਿਆ

ਨਬਜ਼-ਏ-ਪੰਜਾਬ, ਮੁਹਾਲੀ, 3 ਮਾਰਚ:
ਪੰਜਾਬ ਦੇ ਪੀਸੀਐਸ ਸੇਵਾਮੁਕਤ ਅਫ਼ਸਰਾਂ ਦੀ ਇੱਕ ਅਹਿਮ ਮੀਟਿੰਗ ਹੋਈ। ਜਿਸ ਵਿੱਚ ਪੀਸੀਐਸ ਸੇਵਾਮੁਕਤ ਐਸੋਸੀਏਸ਼ਨ ਦੀ ਚੋਣ ਕੀਤੀ ਗਈ। ਮੀਟਿੰਗ ਵਿੱਚ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਸਾਬਕਾ ਚੇਅਰਮੈਨ ਬਲਬੀਰ ਸਿੰਘ ਢੋਲ ਨੂੰ ਸਰਬਸੰਮਤੀ ਨਾਲ ਐਸੋਸੀਏਸ਼ਨ ਦਾ ਪ੍ਰਧਾਨ ਚੁਣਿਆ ਗਿਆ ਜਦੋਂਕਿ ਸਾਬਕਾ ਪ੍ਰਧਾਨ ਜੀਐਸ ਬਾਹੀਆ ਨੂੰ ਚੇਅਰਮੈਨ ਦੀ ਜ਼ਿੰਮੇਵਾਰੀ ਦਿੱਤੀ ਗਈ।
ਅੱਜ ਇੱਥੇ ਇਹ ਜਾਣਕਾਰੀ ਮੀਡੀਆ ਨਾਲ ਸਾਂਝੀ ਕਰਦਿਆਂ ਨਵ-ਨਿਯੁਕਤ ਪ੍ਰਧਾਨ ਬਲਬੀਰ ਸਿੰਘ ਢੋਲ ਨੇ ਦੱਸਿਆ ਕਿ ਮੀਟਿੰਗ ਦੌਰਾਨ ਐਸਐਸ ਮਰਾੜ ਨੂੰ ਮੀਤ ਪ੍ਰਧਾਨ, ਸੀਐਲ ਭੂਮਕ ਨੂੰ ਜਨਰਲ ਸਕੱਤਰ, ਏਐਸ ਸ਼ਾਹੀ ਨੂੰ ਵਿੱਤ ਸਕੱਤਰ, ਓਪੀ ਪੋਪਲੀ ਨੂੰ ਕੋਆਰਡੀਨੇਸ਼ਨ ਸਕੱਤਰ ਅਤੇ ਪੀਐਸ ਪੰਨੂ ਨੂੰ ਕਲਚਰ ਸਕੱਤਰ ਨਿਯੁਕਤ ਕੀਤਾ ਗਿਆ। ਇੰਜ ਹੀ ਪ੍ਰਿਤਪਾਲ ਸਿੰਘ, ਐਨਐਸ ਬਰਾੜ, ਜਰਨੈਲ ਸਿੰਘ, ਏ.ਕੇ. ਸਿੱਕਾ ਅਤੇ ਕੁਲਜੀਤ ਪਾਲ ਸਿੰਘ ਮਾਹੀ ਨੂੰ ਕਾਰਜਕਾਰਨੀ ਦਾ ਮੈਂਬਰ ਨਾਮਜ਼ਦ ਕੀਤਾ ਗਿਆ। ਅਖੀਰ ਵਿੱਚ ਨਵੇਂ ਬਣੇ ਪ੍ਰਧਾਨ ਬਲਬੀਰ ਸਿੰਘ ਢੋਲ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ। ਜ਼ਿਕਰਯੋਗ ਹੈ ਕਿ ਸ੍ਰੀ ਬਲਬੀਰ ਸਿੰਘ ਢੋਲ ਡੀਪੀਆਈ ਸੈਕੰਡਰੀ, ਗਮਾਡਾ ਦੇ ਅਸਟੇਟ ਅਫ਼ਸਰ, ਚੰਡੀਗੜ੍ਹ ਯੂਨੀਵਰਸਿਟੀ ਘੜੂੰਆਂ ਸਮੇਤ ਵੱਖ-ਵੱਖ ਜ਼ਿਲ੍ਹਿਆਂ ਦੇ ਡੀਟੀਓ ਵਜੋਂ ਸ਼ਾਨਦਾਰ ਸੇਵਾਵਾਂ ਨਿਭਾ ਚੁੱਕੇ ਹਨ। ਸਿੱਖਿਆ ਦੇ ਖੇਤਰ ਵਿੱਚ ਉਨ੍ਹਾਂ ਦਾ ਬਹੁਤ ਵੱਡਾ ਯੋਗਦਾਨ ਰਿਹਾ ਹੈ।