ਗਿਆਨ ਜਯੋਤੀ ਗਲੋਬਲ ਸਕੂਲ ਵਿੱਚ 10 ਰੋਜ਼ਾ ਕਿੰਡਰਗਾਰਟਨ ਸਮਰ ਕੈਂਪ ਸਮਾਪਤ

ਗਿਆਨ ਜਯੋਤੀ ਗਲੋਬਲ ਸਕੂਲ ਵਿੱਚ 10 ਰੋਜ਼ਾ ਕਿੰਡਰਗਾਰਟਨ ਸਮਰ ਕੈਂਪ ਸਮਾਪਤ

ਨਬਜ਼-ਏ-ਪੰਜਾਬ, ਮੁਹਾਲੀ, 14 ਜੂਨ:
ਗਿਆਨ ਜਯੋਤੀ ਗਲੋਬਲ ਸਕੂਲ ਫੇਜ਼-2 ਵਿੱਚ ਅੱਜ 10 ਰੋਜ਼ਾ ਕਿੰਡਰਗਾਰਟਨ ਸਮਰ ਕੈਂਪ ਸਫਲਤਾਪੂਰਵਕ ਸਮਾਪਤ ਹੋ ਗਿਆ। ਇਹ ਕੈਂਪ ਛੋਟੇ ਸਿੱਖਿਆਰਥੀਆਂ ਲਈ ਇੱਕ ਰੌਣਕ, ਰੁਝੇਵੇਂ ਭਰਿਆ ਅਤੇ ਖ਼ੁਸ਼ੀ ਵਾਲਾ ਮਾਹੌਲ ਪ੍ਰਦਾਨ ਕਰਨ ਲਈ ਤਿਆਰ ਕੀਤਾ ਗਿਆ ਸੀ, ਜਿਸ ਵਿੱਚ ਨੰਨ੍ਹੇ-ਮੁੰਨ੍ਹੇ ਬੱਚਿਆਂ ਦਾ ਸਰਬਪੱਖੀ ਵਿਕਾਸ ਦੇ ਉਦੇਸ਼ ਨਾਲ ਵੱਖ-ਵੱਖ ਗਤੀਵਿਧੀਆਂ ਕਰਵਾਈਆਂ ਗਈਆਂ। ਸਮਰ ਕੈਂਪ ਵਿੱਚ ਪਾਠਕ੍ਰਮ ਇੰਟਰ ਐਕਟਿਵ ਜਾਣਕਾਰੀ ਅਤੇ ਤਜਰਬੇ ਭਰਪੂਰ ਮਾਹੌਲ ਦੇਖਣ ਨੂੰ ਮਿਲਿਆ। ਇਸ ਮੌਕੇ ਹਰੇਕ ਬੱਚੇ ਲਈ ਇੱਕ ਅਭੁੱਲ ਅਤੇ ਸਿੱਖਿਆਦਾਇਕ ਗਰਮੀਆਂ ਨੂੰ ਯਕੀਨੀ ਬਣਾਇਆ ਗਿਆ। ਇਸ ਦੌਰਾਨ ਸਰੀਰਕ ਤੰਦਰੁਸਤੀ, ਰਚਨਾਤਮਿਕ ਪ੍ਰਗਟਾਵਾ, ਜੀਵਨ ਹੁਨਰ, ਵਾਟਰ ਪਲੇਅ, ਕਹਾਣੀ ਸੁਣਾਉਣਾ ਅਤੇ ਤੁਕਬੰਦੀ, ਦਿਮਾਗੀ ਖੇਡਾਂ ਅਤੇ ਪਹੇਲੀਆਂ, ਸੰਗੀਤ, ਅੰਦੋਲਨ ਅਤੇ ਹੋਰ ਬਹੁਤ ਸਾਰੀਆਂ ਗਤੀਵਿਧੀਆਂ ਕਰਵਾਈਆਂ ਗਈਆਂ।
ਸਕੂਲ ਦੀ ਫਾਊਂਡਰ ਡਾਇਰੈਕਟਰ ਰਣਜੀਤ ਬੇਦੀ ਨੇ ਕਿਹਾ ਕਿ ਇਹ ਸਮਰ ਕੈਂਪ ਛੋਟੇ-ਛੋਟੇ ਵਿਦਿਆਰਥੀਆਂ ਲਈ ਮੁਸਕਰਾਹਟ ਅਤੇ ਕੁੱਝ ਨਿਵੇਕਲਾ ਸਿੱਖਣ ਦੇ ਨਾਮ ਰਿਹਾ। ਛੋਟੇ ਬੱਚਿਆਂ ਅੰਦਰ ਛੁਪੀ ਪ੍ਰਤਿਭਾ ਨੂੰ ਉਜਾਗਰ ਕਰਦਿਆਂ ਉਨ੍ਹਾਂ ਵਿਚਲੀ ਕਲਾਤਮਿਕ ਸ਼ਖ਼ਸੀਅਤ ਨੂੰ ਨਿਖਾਰਨ ਦਾ ਉਪਰਾਲਾ ਸੀ, ਜੋ ਬਹੁਤ ਸਫਲ ਰਿਹਾ।
ਅਖੀਰ ਵਿੱਚ ਪ੍ਰਿੰਸੀਪਲ ਗਿਆਨ ਜੋਤ ਨੇ ਕਿਹਾ ਕਿ ਇਸ ਕਿੰਡਰਗਾਰਟਨ ਸਮਰ ਕੈਂਪ ਨੇ ਸੱਚਮੁੱਚ ਸਿੱਖਿਆ ਦੀ ਭਾਵਨਾ ਨੂੰ ਦਰਸਾਇਆ। ਰਚਨਾਤਮਿਕ ਕਲਾਵਾਂ ਤੋਂ ਲੈ ਕੇ ਆਪਣੇ ਲਈ ਬਿਨਾਂ ਅੱਗ ਦੇ ਖਾਣਾ ਤਿਆਰ ਕਰਨਾ ਅਤੇ ਛੱਤਬੀੜ ਚਿੜੀਆਘਰ ਦੀ ਵਿੱਦਿਅਕ ਯਾਤਰਾ ਵਰਗੀਆਂ ਗਤੀਵਿਧੀਆਂ ਨੇ ਯਕੀਨੀ ਬਣਾਇਆ ਕਿ ਹਰ ਬੱਚੇ ਨੂੰ ਖੋਜਣ, ਪਤਾ ਲਗਾਉਣ ਅਤੇ ਅੱਗੇ ਵਧਣ ਦਾ ਮੌਕਾ ਮਿਲੇ। ਇਹ ਸਿੱਖਿਆ ਅਤੇ ਮਨੋਰੰਜਨ ਦਾ ਇੱਕ ਸ਼ਾਨਦਾਰ ਸੁਮੇਲ ਸੀ। ਅਖੀਰਲੇ ਦਿਨ ਬੱਚਿਆਂ ਦੀਆਂ ਰਚਾਨਤਾਮਿਕ ਗਤੀਵਿਧੀਆਂ ਨੂੰ ਦਰਸਾਉਣ ਲਈ ਮਾਪਿਆਂ ਲਈ ਇੱਕ ਪ੍ਰਦਰਸ਼ਨੀ ਵੀ ਲਗਾਈ ਗਈ।