ਸੈਕਟਰ-70 ਵਿੱਚ ਸਪੈਸ਼ਲ ਪਾਰਕ ਨੰਬਰ-32 ਦੇ ਸੁੰਦਰੀਕਰਨ ਦਾ ਕੰਮ ਸ਼ੁਰੂ

ਸੈਕਟਰ-70 ਵਿੱਚ ਸਪੈਸ਼ਲ ਪਾਰਕ ਨੰਬਰ-32 ਦੇ ਸੁੰਦਰੀਕਰਨ ਦਾ ਕੰਮ ਸ਼ੁਰੂ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 10 ਅਗਸਤ:
ਅਕਾਲੀ ਕੌਂਸਲਰ ਸੁਖਦੇਵ ਸਿੰਘ ਪਟਵਾਰੀ ਵੱਲੋਂ ਇੱਥੋਂ ਦੇ ਸੈਕਟਰ-70 ਦੇ ਸਪੈਸ਼ਲ ਪਾਰਕ ਨੰਬਰ-32 ਨੂੰ ਨਵੇਂ ਸਿਰਿਓਂ ਨਵਿਆਉਣ ਅਤੇ ਹੋਰ ਅਤਿ ਸੁੰਦਰ ਬਣਾਉਣ ਦਾ ਕੰਮ ਸ਼ੁਰੂ ਕਰਵਾਇਆ ਗਿਆ। ਇਸ ਮੌਕੇ ਐਮਆਈਜੀ ਸੁਪਰ ਐਸੋਸੀਏਸ਼ਨ ਦੇ ਪ੍ਰਧਾਨ ਆਰ.ਪੀ. ਕੰਬੋਜ ਅਤੇ ਜਨਰਲ ਸਕੱਤਰ ਆਰ.ਕੇ. ਗੁਪਤਾ ਨੇ ਕਹੀ ਦਾ ਟੱਕ ਲਗਾ ਕੇ ਪਾਰਕ ਨੂੰ ਸਰਗਾਹ ਵਜੋਂ ਵਿਕਸ਼ਤ ਕਰਨ ਦਾ ਕੰਮ ਸ਼ੁਰੂ ਕੀਤਾ ਗਿਆ।
ਇਸ ਮੌਕੇ ਸ੍ਰੀ ਪਟਵਾਰੀ ਨੇ ਦੱਸਿਆ ਕਿ ਪਾਰਕ ਵਿੱਚ ਲੋਕਾਂ ਦੇ ਬੈਠਣ ਲਈ ਵਧੀਆਂ ਬੈਂਚ ਅਤੇ ਫੁੱਟਪਾਥ ਤੋਂ ਅੰਦਰ ਤੇ ਬਾਹਰ ਵਧੀਆ ਟਾਈਲਾਂ ਨਾਲ ਪਲੇਟਫ਼ਾਰਮ ਬਣਾਏ ਜਾਣਗੇ। ਇਸ ਤੋਂ ਇਲਾਵਾ ਪਾਰਕ ਵਿੱਚ ਬੱਚਿਆਂ ਦੇ ਖੇਡਣ ਲਈ ਨਵੇਂ ਝੂਲੇ, ਸਪਰਿੰਕਲਿੰਗ ਸਿਸਟਮ ਦੀ ਮੁਰੰਮਤ, ਝੂਲਿਆਂ ਦੀ ਮੁਰੰਮਤ ਅਤੇ ਮਿਊਜ਼ਿਕ ਸਿਸਟਮ ਦੇ ਸਪੀਕਰ ਬਾਕਸਾਂ ਨੂੰ ਰੰਗ ਰੋਗਨ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਇਸ ਕੰਮ ’ਤੇ 8 ਲੱਖ ਰੁਪਏ ਤੋਂ ਵੱਧ ਪੈਸਾ ਖਰਚ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਸੈਕਟਰ-70 ਵਿੱਚ 15 ਲੱਖ ਰੁਪਏ ਦਾ ਪੇਵਰ ਬਲਾਕ ਲਾਉਣ ਦਾ ਕੰਮ ਵੀ 15 ਦਿਨਾਂ ਵਿੱਚ ਸ਼ੁਰੂ ਕੀਤਾ ਜਾਵੇਗਾ ਅਤੇ ਗੈਰਾਜਾਂ ਵਿੱਚ ਲਾਈਟਾਂ ਲਗਾਉਣ ਸਮੇਤ ਹੋਰ ਬਾਕੀ ਰਹਿੰਦੇ ਵਿਕਾਸ ਕੰਮ ਵੀ ਜਲਦੀ ਨੇਪਰੇ ਚਾੜ੍ਹੇ ਜਾਣਗੇ।