SDM Mrs. Brar’s unexpected checking at Veterinary Hospital and Electrical Board Office

ਐਸਡੀਐਮ ਸ੍ਰੀਮਤੀ ਬਰਾੜ ਵੱਲੋਂ ਪਸ਼ੂ ਹਸਪਤਾਲ ਤੇ ਬਿਜਲੀ ਬੋਰਡ ਦਫ਼ਤਰ ਦੀ ਅਚਨਚੇਤ ਚੈਕਿੰਗ

ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 24 ਮਈ:
ਸਰਕਾਰੀ ਦਫ਼ਤਰਾਂ ਦੇ ਅਧਿਕਾਰੀ ਅਤੇ ਕਰਮਚਾਰੀ ਸਮੇ ਸਿਰ ਡਿਊਟੀ ’ਤੇ ਹਾਜ਼ਰ ਆਉਣ ਅਤੇ ਦਫ਼ਤਰਾਂ ਵਿੱਚ ਕੰਮਾਂ ਕਾਰਾਂ ਲਈ ਰੋਜ਼ਾਨਾ ਆਉਣ ਵਾਲੀ ਪਬਲਿਕ ਦੇ ਕੰਮਾ ਨੂੰ ਪਹਿਲ ਦੇ ਅਧਾਰ ਤੇ ਨਿਪਟਾਇਆ ਜਾਵੇ ਜੇਕਰ ਕਿਤੇ ਕੋਈ ਕੁਤਾਹੀ ਪਾਈ ਜਾਂਦੀ ਹੈ ਤਾਂ ਉਸ ਦੇ ਖ਼ਿਲਾਫ਼ ਕਾਰਵਾਈ ਕੀਤੀ ਜਾਵੇਗੀ। ਇਹ ਜਾਣਕਾਰੀ ਉਪ ਮੰਡਲ ਮੈਜਿਸਟਰੇਟ ਖਰੜ ਅਮਨਿੰਦਰ ਕੌਰ ਬਰਾੜ ਨੇ ਦਿੰਦਿਆਂ ਦੱਸਿਆ ਕਿ ਅੱਜ ਉਨ੍ਹਾਂ ਵਲੋਂ ਸਵੇਰੇ ਪਸ਼ੂ ਹਸਪਤਾਲ ਖਰੜ, ਪਾਵਰਕਾਮ ਸ਼ਹਿਰੀ ਦਫ਼ਤਰ ਖਰੜ ਦੀ ਅਚਨਚੇਤ ਚੈਕਿੰਗ ਕੀਤੀ ਗਈ। ਚੈਕਿੰਗ ਦੌਰਾਨ ਪਾਵਰਕਾਮ ਸ਼ਹਿਰੀ ਦਫਤਰ ਖਰੜ ਦੇ ਦਫਤਰ ਵਿਚ ਨਰਿੰਦਰਜੀਤ ਕੌਰ ਕਰਮਚਾਰਨ ਗੈਰ ਹਾਜ਼ਰ ਸਨ ਜਿਸਦੀ ਜਵਾਬਤਲਬੀ ਕੀਤੀ ਜਾਵੇਗੀ।
ਐਸਡੀਐਮ ਨੇ ਅੱਗੇ ਦੱਸਿਆ ਕਿ ਐਸਡੀਐਮ ਕੰਪਲੈਕਸ ਖਰੜ ਵਿਖੇ ਬਣਿਆ ਹੋਇਆ ਸੇਵਾ ਕੇਂਦਰ ਵੀ ਕੱਲ ਬਾਅਦ ਦੁਪਹਿਰ ਚੈਕਿੰਗ ਕੀਤੀ ਗਈ ਅਤੇ ਇਸ ਸੇਵਾ ਕੇਂਦਰ ਦੇ ਤਿੰਨ ਅਪਰੇਟਰ ਸਮੇਤ ਇੱਕ ਕੋਆਰਡੀਨੇਟਰ ਹਾਜ਼ਰ ਸਨ ਅਤੇ ਸੇਵਾ ਕੇਂਦਰ ਵਿੱਚ 50 ਦੇ ਕਰੀਬ ਵੱਖ ਵੱਖ ਕੰਮਾਂ ਲਈ ਦਰਖਾਸਤਾਂ ਜਮਾਂ ਹੋਈਆਂ ਸਨ। ਜਿਨ੍ਹਾਂ ਨੂੰ ਤਹਿਸੀਲ ਦਫ਼ਤਰ ਸਮੇਤ ਹੋਰ ਦਫ਼ਤਰਾਂ ਲਈ ਭੇਜਿਆ ਗਿਆ। ਉਨ੍ਹਾਂ ਸਰਕਾਰੀ ਵਿਭਾਗਾਂ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਹਦਾਇਤ ਕੀਤੀ ਕਿ ਉਹ ਸਮੇਂ ਸਿਰ ਡਿਊਟੀ ’ਤੇ ਹਾਜ਼ਰ ਆਉਣ। ਇਸ ਮੌਕੇ ਪਰਦੀਪ ਕੁਮਾਰ ਸਮੇਤ ਹੋਰ ਕਰਮਚਾਰੀ ਨਾਲ ਹਾਜ਼ਰ ਸਨ।