ਖਰੜ ਤੋਂ ‘ਆਪ’ ਦੇ ਕੰਵਰ ਸੰਧੂ ਵੱਲੋਂ ਦੀ ਜਿੱਤ ਲਈ ਕੌਂਸਲਰ ਸਿੱਧੂ ਵੱਲੋਂ ਵਸਨੀਕਾਂ ਦਾ ਧੰਨਵਾਦ

ਖਰੜ ਤੋਂ ‘ਆਪ’ ਦੇ ਕੰਵਰ ਸੰਧੂ ਵੱਲੋਂ ਦੀ ਜਿੱਤ ਲਈ ਕੌਂਸਲਰ ਸਿੱਧੂ ਵੱਲੋਂ ਵਸਨੀਕਾਂ ਦਾ ਧੰਨਵਾਦ

ਬਾਦਲਾਂ ਦੀਆਂ ਮਾੜੀਆਂ ਨੀਤੀਆਂ ਕਾਰਨ ਅਕਾਲੀ ਦਲ ਦੀ ਹਾਰ ਹੋਈ: ਆਪ ਵਾਲੰਟੀਅਰ

ਭੁਪਿੰਦਰ ਸ਼ਿੰਗਾਰੀਵਾਲ
ਨਬਜ਼-ਏ-ਪੰਜਾਬ ਬਿਊਰੋ, ਨਵਾਂ ਗਰਾਓਂ, 11 ਮਾਰਚ:
ਖਰੜ ਤੋਂ ‘ਆਪ’ ਉਮੀਦਵਾਰ ਕੰਵਰ ਸਿੰਘ ਸੰਧੂ ਵੱਲੋਂ ਚੋਣ ਜਿੱਤਣ ਦੀ ਖੁਸ਼ੀ ਵਿੱਚ ਸਥਾਨਿਕ ਕੌਂਸਲਰ ਮਲਕੀਤ ਸਿੰਘ ਸਿੱਧੂ ਵੱਲੋਂ ਵਰਕਰਾਂ ਨਾਲ ਖੁਸ਼ੀਆਂ ਸਾਂਝੀਆਂ ਕੀਤੀਆਂ। ਇਸ ਦੌਰਾਨ ਉਨ੍ਹਾਂ ਵਰਕਰਾਂ ਸਮੇਤ ਵਾਰਡਾਂ ਵਿੱਚ ਜਾ ਕੇ ਵਸਨੀਕਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਭਾਵੇਂ ‘ਆਪ’ ਪਾਰਟੀ ਨੂੰ ੰ ਪੂਰਨ ਬਹੁਮਤ ਨਹੀਂ ਮਿਲ ਸਕਿਆ, ਪਰ ਹਲਕਾ ਵਾਸੀਆਂ ਤੇ ਸਥਾਨਿਕੇ ਖੇਤਰ ਦੇ ਲੋਕਾਂ ਵੱਲੋਂ ਦਿੱਤੇ ਗਏ ਸਹਿਯੋਗ ਸਦਕਾ ਹਲਕੇ ਤੋਂ ਇੱਕ ਇਮਾਨਦਾਰ ਤੇ ਪੜਿਆਂ ਲਿਖਿਆਂ ਉਮੀਦਵਾਰ ਮਿਲਣ ਕਾਰਨ ਲੋਕਾਂ ਦੀ ਖੁਸ਼ੀ ਦੀ ਗੱਲ ਹੈ। ਇਸ ਮੌਕੇ ਉਨ੍ਹਾਂ ਨਾਲ ਆਪ ਦੇ ਸਰਗਰਮ ਵਾਲੰਟੀਅਰ ਗਰਜਾ ਸਿੰਘ ਸਿੱਧੂ, ਹਰਪ੍ਰੀਤ ਸਿੰਘ, ਕੁਲਵੰਤ ਕੌਰ, ਤਰਲੋਚਨ ਸਿੰਘ ਅਤੇ ਜਗਤਾਰ ਨਾਢਾ ਆਦਿ ਵਰਕਰ ਵੀ ਹਾਜ਼ਿਰ ਸਨ। ਉਨ੍ਹਾਂ ਕਿਹਾ ਕਿ ਅਕਾਲੀ ਦਲ ਬਾਦਲ ਦੀਆਂ ਮਾੜੀਆਂ ਨੀਤੀਆਂ ਦੇ ਚੱਲਦਿਆਂ ਇਲਾਕੇ ਦੇ ਲੋਕਾਂ ਨੇ ਆਪ ਦੇ ਹੱਕ ਵਿੱਚ ਫਤਵਾ ਦਿੱਤਾ ਹੈ।