ਦਸਵੀਂ ਜਮਾਤ ਦਾ ਵਿਦਿਆਰਥੀ ਗੁਰਸ਼ਰਨ ਸਿੰਘ ਲਾਪਤਾ

ਦਸਵੀਂ ਜਮਾਤ ਦਾ ਵਿਦਿਆਰਥੀ ਗੁਰਸ਼ਰਨ ਸਿੰਘ ਲਾਪਤਾ

ਨਬਜ਼-ਏ-ਪੰਜਾਬ, ਮੁਹਾਲੀ, 17 ਜੁਲਾਈ:
ਪਟਿਆਲਾ ਵਿਚਲੇ ਪਿੰਡ ਆਦਮਪੁਰ ਤੋਂ ਇੱਕ 15 ਸਾਲਾ ਗੁਰਸ਼ਰਨ ਸਿੰਘ ਬੀਤੀ 15 ਜੁਲਾਈ ਤੋਂ ਭੇਦਭਰੀ ਹਾਲਤ ਵਿੱਚ ਲਾਪਤਾ ਹੈ। ਉਹ ਦਸਵੀਂ ਜਮਾਤ ਦਾ ਵਿਦਿਆਰਥੀ ਹੈ। ਉਸ ਦੀ ਮਾਂ ਪਰਮਜੀਤ ਕੌਰ ਨੇ ਦੱਸਿਆ ਕਿ ਉਸ ਦਾ ਬੇਟਾ ਗੁਰਸ਼ਰਨ ਸਿੰਘ ਸਕੂਲ ਤੋਂ ਬਾਅਦ ਘਰ ਆਇਆ ਅਤੇਫਿਰ ਘਰ ਤੋਂ ਸਾਈਕਲ ’ਤੇ ਕੁੱਝ ਕੱਪੜੇ ਆਪਣੇ ਨਾਲ ਲੈ ਗਿਆ। ਉਹ ਕਿਸੇ ਰਿਸ਼ਤੇਦਾਰੀ ਵਿੱਚ ਭੋਗ ’ਤੇ ਗਈ ਹੋਈ ਸੀ, ਜਦੋਂ ਉਹ ਸ਼ਾਮ ਨੂੰ ਘਰ ਪਹੁੰਚੀ ਤਾਂ ਦੇਖਿਆ ਤਾਂ ਉਸ ਦਾ ਬੇਟਾ ਘਰ ਵਿੱਚ ਮੌਜੂਦ ਨਹੀਂ ਸੀ। ਉਸ ਨੇ ਆਪਣੇ ਪੱਧਰ ’ਤੇ ਆਪਣੇ ਲਾਡਲੇ ਪੁੱਤ ਦੀ ਬਹੁਤ ਭਾਲ ਕੀਤੀ ਪ੍ਰੰਤੂ ਉਸ ਦਾ ਕੁੱਝ ਪਤਾ ਨਹੀਂ ਲੱਗਿਆ।
ਜਾਣਕਾਰੀ ਅਨੁਸਾਰ ਗੁਰਸ਼ਰਨ ਦਾ ਸਾਈਕਲ ਖਰੜ ’ਚੋਂ ਮਿਲਿਆ ਹੈ। ਗੁਰਸ਼ਰਨ ਦੇ ਪਿਤਾ ਦੀ ਕੁੱਝ ਸਮਾਂ ਪਹਿਲਾਂ ਹੀ ਮੌਤ ਹੋ ਚੁੱਕੀ ਹੈ। ਇਸ ਤਰ੍ਹਾਂ ਪੁੱਤ ਦੇ ਘਰ ਤੋਂ ਚਲੇ ਜਾਣ ਕਰਕੇ ਉਸ ਦੀ ਮਾਂ ਦਾ ਰੋ-ਰੋ ਕੇ ਬਹੁਤ ਬੁਰਾ ਹਾਲ ਹੈ। ਵਿਦਿਆਰਥੀ ਦੀ ਮਾਂ ਨੇ ਪੁਲੀਸ ਕੋਲ ਸ਼ਿਕਾਇਤ ਦਰਜ ਕਰਵਾ ਦਿੱਤੀ ਹੈ। ਜੇਕਰ ਕਿਸੇ ਨੂੰ ਗੁਰਸ਼ਰਨ ਸਿੰਘ ਬਾਰੇ ਕੋਈ ਜਾਣਕਾਰੀ ਮਿਲਦੀ ਹੈ, ਤਾਂ ਉਹ ਸਰਹੱਦ ਥਾਣੇ ਵਿੱਚ ਸੂਚਨਾ ਦੇਣ ਦੀ ਕਿਰਪਾ ਕਰਨ।