ਇਨਸਾਨੀਅਤ ਸੰਸਥਾ ਨੂੰ ਪੰਜਾਬ ਦੇ ਸਪੀਕਰ ਨੇ ਕੀਤਾ ਸਨਮਾਨਿਤ

ਇਨਸਾਨੀਅਤ ਸੰਸਥਾ ਨੂੰ ਪੰਜਾਬ ਦੇ ਸਪੀਕਰ ਨੇ ਕੀਤਾ ਸਨਮਾਨਿਤ

ਨਬਜ਼-ਏ-ਪੰਜਾਬ, ਮੁਹਾਲੀ, 31 ਜੁਲਾਈ:
ਸਮਾਜ ਸੇਵੀ ਸੰਸਥਾ ਇਨਸਾਨੀਅਤ ਵੱਲੋਂ ਚੱਲ ਰਹੀਆਂ ਸੇਵਾਵਾਂ ਉੱਚ ਸਿੱਖਿਆ ਮੁਹਿੰਮ, ਆਰਥਿਕ ਸਹਾਇਤਾ ਮੁਹਿੰਮ, ਵਾਤਾਵਰਨ ਸੰਭਾਲ ਮੁਹਿੰਮ, ਰਾਸ਼ਨ ਵੰਡ ਮੁਹਿੰਮ, ਸਿਹਤ ਸੇਵਾਵਾਂ ਮੁਹਿੰਮ ਨੂੰ ਪਿੰਡਾਂ ਵਿੱਚ ਚਲਾਇਆ ਜਾ ਰਿਹਾ ਹੈ। ਇਨ੍ਹਾਂ ਜਨਹਿੱਤ ਸੇਵਾਵਾਂ ਨੂੰ ਦੇਖਦੇ ਹੋਏ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾ ਨੇ ਵਿਸ਼ੇਸ਼ ਤੌਰ ’ਤੇ ਸੰਸਥਾ ਦੇ ਚੇਅਰਮੈਨ ਰਮਨਦੀਪ ਸਿੰਘ ਟੋਡਰ ਮਾਜਰਾ ਅਤੇ ਸਮੂਹ ਟੀਮ ਮੈਂਬਰਾਂ ਨੂੰ ਸਨਮਾਨਿਤ ਕੀਤਾ ਅਤੇ ਉਨ੍ਹਾਂ ਨੂੰ ਭਵਿੱਖ ਵਿੱਚ ਵੱਧ ਚੜ੍ਹ ਕੇ ਸਮਾਜ ਸੇਵਾ ਵਿੱਚ ਯੋਗਦਾਨ ਪਾਉਣ ਲਈ ਪ੍ਰੇਰਿਆ। ਇਸ ਮੌਕੇ ਸੰਸਥਾ ਦੇ ਕੈਸ਼ੀਅਰ ਭੁਪਿੰਦਰ ਸਿੰਘ, ਪ੍ਰੈੱਸ ਸਕੱਤਰ ਪੰਕਜ਼ ਸ਼ਰਮਾ ਨਿਆਮੀਆਂ, ਨਿਰਮਲ ਸਿੰਘ, ਬਹਾਦਰ ਸਿੰਘ ਧੜਾਕ, ਦਿਲਬਾਰ ਸਿੰਘ ਟੋਡਰ ਮਾਜਰਾ ਮੌਜੂਦ ਸਨ। ਇਸ ਮੌਕੇ ਸਪੀਕਰ ਸੰਧਵਾਂ ਨਾਲ ਪੰਜਾਬ ਦੇ ਅਹਿਮ ਤੇ ਭਖਦਿਆਂ ਮੁੱਦਿਆਂ ਉੱਤੇ ਵੀ ਤਕਰੀਬਨ ਇੱਕ ਘੰਟਾ ਗੱਲਬਾਤ ਹੋਈ।